Friday 22 February 2013

ഞാന്‍












ഇതു കാലമെന്ന രണാങ്കണം ..

ഞാനതിലെ പോരാളി .

ജീവിതം യാഥാര്‍ത്ഥ്യമെന്ന അസ്ത്രം തൊടുക്കുന്നു ...

ഞാനോ മിഥ്യയെന്ന പരിചയാല്‍ തടുക്കുന്നു ..

ആത്മ ബലി നടന്നിരിക്കുന്നു 

ഇവിടെയെന്‍ മനതാരില്‍ 

ഇതെന്‍ വേഷം മാത്രം . 

കണ്ടാര്‍ത്തു അട്ടഹസിക്കാതെ ഹേ ജീവിതമേ  ..


ഭവാന്‍ തന്‍ പാദസ്പര്‍ശം കൊതിക്കും 

അഹല്യയാണിന്നു ഞാന്‍

യുഗങ്ങളിനിയെത്ര  കാക്കണമെന്‍ മോക്ഷത്തിനായി 

ആദിത്യ കിരണങ്ങള്‍ ഏറ്റു ഞാന്‍ തളരുന്നു 

വജ്രായുധം തൊടുക്കുന്നു ഇന്ദ്രന്‍ 

 മഴമേഘങ്ങള്‍ ശരങ്ങള്‍ ഉതിര്‍ക്കുന്നു  

വസന്തം ,ശിശിരം  പിന്നെ വര്‍ഷം ,

കാലം തന്‍ആടകള്‍ മാറുന്നു .. 

ശിലയെങ്കിലും എനിക്കുമൊരു

മനമുണ്ടെന്നോര്‍ക്കുക  യുഗമേ .. 

ഋതുക്കള്‍ കൊഴിയുന്നത് ഞാനറിയുന്നു 

പുതിയ നാമ്പുകള്‍ പിറക്കുന്നതും അറിയുന്നു 

എന്നിട്ടും എന്‍ ഭവാന്‍ മാത്രം 

എന്തേ അണയുന്നില്ല 


സാഗരസംഗമം കൊതിച്ചിരിന്നു ഞാന്‍ 

വറ്റി വരണ്ടിരിക്കുന്നു ഞാനെന്ന നദി 

ചത്തൊടുങ്ങിയിരിക്കുന്നു എന്നിലെ മോഹങ്ങള്‍ 

ഇനിയൊരു സാഗര സംഗമം അതെനിക്കിനി  അന്യമോ ?


മോക്ഷമരുളിയാലും എന്‍ പ്രാണനാഥാ

താമസമരുതേ  ഇനിയും ..






48 comments:

  1. പുതിയ നാമ്പുകള്‍ പിറക്കുന്നതും അറിയുന്നു

    എന്നിട്ടും എന്‍ ഭവാന്‍ മാത്രം

    എന്തേ അണയുന്നില്ല ................


    ജീവിതമല്ലേ, കാത്തിരിക്കുക

    ആശംസകൾ

    ReplyDelete
    Replies
    1. കാത്തിരിക്കുന്നു...നന്ദി ഷാജു .

      Delete
  2. ഒരു പാദ സ്പര്‍ശം ആണ് ഇവിടെ മോക്ഷപ്രാപ്ത്തിക്ക് വേണ്ടി കാത്തിരിക്കുന്നത്
    എല്ലാത്തിനും അതിന്‍റെതായ സമയം ആദ്യമേ നിശ്ചയിക്കപെട്ടു കഴിഞ്ഞിരിക്കുന്നു സമയമായാല്‍ എല്ലാം മുറപ്പോലെ നടക്കും ആശംസകള്‍

    ReplyDelete
    Replies
    1. ഈശ്വരന്‍ നിശ്ചയിച്ചത് ആര്‍ക്കും മാറ്റാന്‍ പറ്റിലല്ലോ..

      Delete
  3. കവിത വായിച്ചു. ശുഭപ്രതീക്ഷയാണല്ലോ നമുക്ക്‌ ആവശ്യം. അക്ഷരത്തെറ്റുകൾ ഒഴിവാക്കുക. ഭാവുകങ്ങൾ

    ReplyDelete
    Replies
    1. ശുഭപ്രതീക്ഷയോടെ കാത്തിരിക്കുന്നു

      ക്ഷമിക്കണം അക്ഷരതെറ്റുകള്‍ ശ്രദ്ധിച്ചില്ല ..തിരുത്തിയിട്ട് ഉണ്ട്. നന്ദി :)

      Delete
  4. DEAR CHECHI VATTI VARANDA NADI NIRAKAVINJOZHUKAAN PEMAARI SHAKTHIYAAYI AARTHATTAHASICHU PAITHU THIMRKKATTE ആശംസകള്‍
    SNEHATHTHODE PRAARTHANAYODE SHAMSUDEEN THOPPIL
    www.hrdyam.blogspot.com

    ReplyDelete
    Replies
    1. നിറഞ്ഞു ഒഴുകട്ടെ എന്ന് ഞാനും ആഗ്രഹിക്കുന്നു.നന്ദി ഷംസുദീന്‍

      Delete
  5. "ശിലയെങ്കിലും എനിക്കുമൊരു
    മനമുണ്ടെന്നോര്‍ക്കുക യുഗമേ ..." നല്ല വരികള്‍.

    ശുഭ പ്രതീക്ഷയോടെ കാത്തിരിക്കാം, നല്ലൊരു നാളേക്കായി.

    ReplyDelete
  6. നന്ദി മുബി

    ReplyDelete
  7. ജീവിതം യാഥാര്‍ത്ഥ്യമെന്ന അസ്ത്രം തൊടുക്കുന്നു ...

    ഞാനോ മിഥ്യയെന്ന പരിചയാല്‍ തടുക്കുന്നു ..
    ..
    ..

    ഞാന്‍ എന്ന വാക്കിനോളം മിഥ്യാ സങ്കല്‍പ്പം കലര്‍ന്ന മറ്റൊരു വാക്കിനിയേത് ?

    നല്ല വരികള്‍ ... നല്ല ചിന്തകള്‍ ... ആശംസകളോടെ

    ReplyDelete
    Replies
    1. നന്ദി പ്രവീണ്‍

      Delete
    2. This comment has been removed by the author.

      Delete
  8. അഹല്യക്ക്‌ മോക്ഷം ലഭിക്കട്ടെ!

    ReplyDelete
    Replies
    1. കാത്തിരിക്കുന്നു അഹല്യ ...നന്ദി : )

      Delete
  9. ആശംസകള്‍ ...വീണ്ടും വരാം

    ReplyDelete
  10. കാത്തിരിക്കുക...........വരും വരാതിരിക്കും..............പ്രതീക്ഷകളസ്തമിക്കുമോ..........

    ReplyDelete
    Replies
    1. വരും എന്ന പ്രതീക്ഷയിലാണ് അഹല്യയുടെ ജീവിതം.ഇല്ലെങ്കില്‍ അഹല്യ ഉണ്ടാകുമോ ?

      Delete
  11. നന്നായിട്ടുണ്ട്. കവിതയായതിനാല്‍ കൂടുതല്‍ അഭിപ്രായം പറയാനറിയില്ല. ആശംസകള്‍..

    ReplyDelete
  12. Ente ooham thettiyilla.. oru veerangana thanne.. pakshe pinne engine oru bhakthi margam koodi?

    ReplyDelete
    Replies
    1. bhakthi alle namale ella sankadangalilil ninum kara kayattunathu?njan angana viswasikkunnu ..:)

      Delete
  13. ദീപാ ഞാനും കാത്തിരിക്കുന്നു ...ഒരു അഹല്യ ആയി....

    ReplyDelete
  14. varikal nannaayirikkunnu
    ivide ithaadyam
    veendum yezhuthuka
    ariyikkuka
    aashamsakal

    ReplyDelete
  15. വീണ്ടും കാത്തിരിക്കാം ആ സംഗമത്തിനായി,സ്വപ്നംകാണുക,കണ്ടുകൊണ്ടേയിരിക്കുക,ആശംസകള്‍

    ReplyDelete
    Replies
    1. കണ്ടുകൊണ്ടേ ഇരിക്കുന്നു :)

      Delete
  16. ജീവിതം യാഥാര്‍ത്ഥ്യമെന്ന അസ്ത്രം തൊടുക്കുന്നു...
    ഞാനോ മിഥ്യയെന്ന പരിചയാല്‍ തടുക്കുന്നു...

    അങ്ങനൊരിക്കലും തടുക്കരുത് അതിനെ,
    അങ്ങനെ തടുക്കുമ്പോഴാണ്, മോഹങ്ങളെല്ലാം ചത്തൊടുങ്ങുന്നത്.


    ജീവിതം യാതാർത്ഥ്യമാണെന്ന് വിശ്വസിക്കുന്നവന്റെ സ്വപ്നങ്ങൾ മാത്രമേ മാത്രമേ,
    പൂവണിയുകയുള്ളൂ....
    പൂവണിയിക്കുകയുള്ളൂ...
    ആശംസകൾ.

    ReplyDelete
  17. കാത്തിരിപ്പ്‌ ശുഭമായ് പര്യവസാനിക്കട്ടെ.... ആശംസകള്‍
    പാദസ്പര്‍ശം, തന്‍ ആട പോലുള്ള വാക്കുകള്‍ ചേര്‍ത്തെഴുതിയാല്‍ നന്നായിരിക്കും എന്ന് തോന്നി..

    ReplyDelete
    Replies
    1. തെറ്റ് തിരുത്തി സംഗീത് ..ശ്രദ്ധിച്ചിരുന്നില്ല :)

      Delete
  18. കവിതയുടെ ആദ്യഭാഗം കൂടുതല്‍ ഇഷ്ടപ്പെട്ടു. സുന്ദരം..

    ReplyDelete
  19. ജീവിതം യാഥാര്‍ത്ഥ്യമെന്ന അസ്ത്രം തൊടുക്കുന്നു ...

    ഞാനോ മിഥ്യയെന്ന പരിചയാല്‍ തടുക്കുന്നു ..

    നല്ല വരികള്‍ ... നല്ല ചിന്തകള്‍ ... ആശംസകളോടെ

    ReplyDelete
  20. ശിലയെങ്കിലും എനിക്കുമൊരു
    മനമുണ്ടെന്നോര്‍ക്കുക യുഗമേ ..

    ReplyDelete
  21. ചില വരികള്‍ മനസ്സില്‍ തട്ടുന്നുണ്ട്..
    ആശംസകള്‍..

    ReplyDelete
  22. കാഴ്ച മുറിയുംവരെ കാത്തിരിക്കാം

    ആശംസകള്‍

    ReplyDelete
  23. നന്ദി
    kochumol(കുങ്കുമം)
    Gopan Kumar

    Ashraf Ambalathu

    :)

    ReplyDelete
  24. വിജ്രുംബിച്ചു !!

    ReplyDelete
  25. നല്ല എഴുത്ത്, വായനാസുഖം പകരുന്നു വെണ്ടുവോളം. വരാം വീണ്ടും ഈ വഴിക്ക്

    ReplyDelete
  26. നല്ല കവിതക്കെന്റെ ആശംസകൾ

    ReplyDelete
  27. താമസമില്ലാതെ മോക്ഷം ലഭിക്കട്ടെ ..
    നല്ല വരികള്‍

    ReplyDelete
  28. വളരെ മനോഹരമായ കവിത.

    ഒത്തിരി ഇഷ്ട്ടമായി.

    ആശംസകൾ നേരുന്നു

    സസ്നേഹം
    www.ettavattam.blogspot.com

    ReplyDelete
  29. നല്ല കവിത എന്ന് വെറുതെ പറയുകയല്ല..ഇഷ്ടമായി..
    nalinadhalangal

    ReplyDelete
  30. വളരെ ഹൃദ്യം ഈ വരികള്‍
    നന്നായി അവതരിപ്പിച്ചു
    ഇഷ്ടമായി ഈ രചന
    ആശംസകള്‍

    ReplyDelete